Silje Syse

Mennesket er altså meg, Silje Syse. Fødd 1984 og oppvaksen i Ulvik. 

Fyrste gong eg prøvde å blåsa glas, var fyrste dag på jobb som lærling hjå Stine Hoff i Bergen i 2006. Eg hadde jo søkt på plassen, så eg var allereie ganske sikker på at eg kom til å like det. 

Kombinasjonen av kreativitet, fysisk arbeid, action og detaljarbeid er det som held meg i glasverda.

Eg lagar brukskunst som vasar, vinglas, skåler, vasar og lamper. Mykje av det eg lagar speglar min fascinasjon og kjærleik til lokale handverkstradisjonar, sans for fargar og teite humor

I tillegg til sjølve blåsinga, brukar eg mykje tid på å lime perler på vasar og lamper og gravering av hardangersaum og portrett på glas. Også går det mykje tid til sånne litt kjedeligare ting som må til når ein driv sin eigen jobb. På bileta i dette innlegget vert det blese ølglas.

Vil du sjå meir? Kom innom blåseriet eller følg Syse Glas i sosiale media for mykje glas og varme!